SLEGS VIR DIEREGEBRUIK

CEVAC CORYMUNE 7 K

Reg Nr G 3790 Wet 36/1947 

‘n Geïnaktiveerde olie-emulsie entstof vir die inenting van gesonde, voorafgeënte lêhenne en teelhoenders teen Newcastlesiekte (NS) en Aansteeklike Brongitis (AB) en vir die inenting van gesonde lê- en teelhoenders teen Eierproduksieverliessindroom (EPS) en Aansteeklike verkoue (Korisa) en as ‘n hulpmiddel in die beheer van Salmonella Enteritidis(SE) besmetting.

Berging:

Berg in ‘n yskas teen 2 – 8 °C. Moet nie vries nie.

Beskerm teen sonlig.

Onbehoorlike berging kan tot verlies aan effektiwiteit lei.

Samestelling:

Hierdie entstof bevat geïnaktiveerde  Newcastlesiekte virus (La Sota stam), Aansteeklike Brongitis virus

(stam M-41),  Eierproduksieverliessindroom (B8/78 stam), Avibacterium paragallinarum (voorheen Haemophilus paragallinarum)antigene (Serotipe A, B en C) en  Salmonella Enteritidis antigene (faag tipe 13A, stam 038-090) in ‘n olie-emulsie.

Minimum titer per dosis is 6 log₂ HIND virus, 6 log₂ HIIB virus, 7 log₂ HI EDS virus,

7 log₁₀ KVE Avibacterium paragallinarum (voorheen Haemophilus paragallinarum)antigene(van elke serotipe A, B and C) en 5 log₂ MAT  Salmonella Enteritidisantigene.

Waarskuwings :

- Moenie hoenders vir menslike gebruik slag binne 6 weke na inenting nie.

- Slegs gesonde hoenders moet ingeënt word.

- Hou buite bereik van kinders, oningeligte persone en diere.

- Hierdie entstof bevat ‘n olie-gebaseerde adjuvant en toevallige selfinspuiting mag lei tot ‘n ernstige lokale

  allergiese reaksie. Raadpleeg ‘n geneesheer en verwittig hom/haar van die mineraalolie inhoud van die entstof.

- Reaksies mag voorkom na inenting en mag swelsels en granulome by die inspuitingsplek insluit.

- Om afkeurings te vermy, maak seker dat hoenders wat bemark word nie swelsels het by die plek van

  inspuiting nie.

- Inenting van hoenders mag lei tot ‘n verlies aan eierproduksie, as gevolg van hanteringstres gedurende 

  inenting.

- Vernietig enige oorblywende entstof deur bv verbranding; raak ontslae van alle leë entstofhouers en

  toebehore na inenting voltooi is.

- Alhoewel hierdie entstof breedvoerig onder ‘n wye verskeidenheid van toestande getoets is, mag dit faal as

  gevolg van verskeie redes. Indien dit vermoed word, raadpleeg ‘n veearts en verwittig die registrasiehouer.

Voorsorgmaatreëls

- Moenie met enige ander entstof meng nie.

- Aseptiese voorsorgmaatreëls moet toegepas word. Maak seker dat alle inentingstoerusting (naalde, spuite,   

  ens.) skoon en steriel is voor gebruik.

- Moet nie kontamineer met ontsmettingsmiddels of spiritus nie.

- Gebruik die inhoud van die bottel binne 24 uur nadat dit oopgemaak is. Moet nie gedeeltelik gebruikte houers  

   berg vir toekomstige gebruik nie.

- Dit is goeie entstofbeleid om nie toe te laat dat die entstof met menslike oë of slymvliese, hande of klerasie in 

   aanraking kom nie.

- Was en ontsmet hande met ‘n ontsmettingsmiddel na inenting.

Gebruiksaanwysings: Gebruik slegs soos aangedui.

- Cevac® Corymune 7 K word aanbeveel vir die inenting van gesonde, voorafgeënte lêhenne en teelhoenders  

teen Newcastlesiekte (NS) en Aansteeklike Brongitis (AB) en vir die inenting van gesonde lê- en teelhoenders teen Eierproduksieverliessindroom (EPS) en Aansteeklike verkoue (Korisa) en as ‘n hulpmiddel in die beheer van Salmonella Enteritidis(SE) besmetting, ten minste vier weke voor die begin van lê.

- Teel of lêtroppe moet eers ingeënt word met ‘n lewendige Newcastlesiekte en Aansteeklike Brongitis enstof  

en met ‘n geïnaktiveerde Aansteeklike verkoue (Korisa) en Salmonella Enteritidisentstof, ten minste vier tot vyf weke voor inenting met Cevac® Corymune 7 K, om optimale beskerming teen Newcastlesiekte,   

Aansteeklike Brongitis, Aansteeklike verkoue (Korisa) en Salmonella Enteritidisbesmetting te verskaf.

- Skud entstof goed voor en gedurende gebruik.

- Gebruik aseptiese tegniek.

- Voor gebruik, laat die entstof toe om geleidelik kamertemperatuur (25˚C) te bereik.

- Maak seker van die akkuraatheid van die spuit, om te verseker dat die korrekte dosis aangewend word.

- Die dosis is 0.5 mℓ per hoender en word onderhuids of binnespiers toegedien.

  Die voorkeur plek vir onderhuidse toediening is onder die vel aan die agterkant van die nek, halfpad tussen   

  die kop en liggaam en in ‘n rigting weg van die kop af. Moet nie inspuit naby die kop nie. Moet nie in die

  spierweefsel of nekwerwels spuit nie.  

  Die voorkeur plek vir binnespierse toediening is die borspier, die naald moet in die rigting van die hoender se  

  kop gerig word om te voorkom dat die naald die liggaamsholte binnedring.

Aanbieding:

500 mℓ plastiek bottel wat 1 000 dosisse bevat.

Registrasiehouer:

Ceva Animal Health (Edms) Bpk

Reg Nr 1973/016009/07

Posbus 7707

HALFWAY HOUSE

1685

Vervaardig deur:

Ceva – Phylaxia Veterinary Biologicals Co. Ltd

1107 Budapest

Szállás  u.5. Hungary